නැගෙනහිරට ගිය ගමන .... # ....

                                                                            හොදයි යාලුවනේ ..... ඔන්න එහෙනම් හැමදාම කදු ගැන කියන මම අද කියන්න යන්නේ නැගෙනහිර පළාතේ ඔයාලාට දවස් දෙක තුනකට ගිහින් යන්න පුළුවන් ගමන් ගැන .... :D :D මිරිදියේ ඉදලා කරදියේ පහසයි .. සීතලේ ඉදලා රස්නේ අගෙයි ගැන තමා ඔන්න කියලා දෙන්න යන්නේ.... අද එහෙනම් ඔන්න අපි ඉන්නේ වියලි කලාපේ... වියලි කියන්නේ ටිකක් දැනෙන වියලි ගතියක් තියන කලාපෙක ..ඒ කියන්නේ උතුරුමැද සහ නැගෙනහිර කියන පළාත් වල ..හරියටම කියනවනම් පොලොන්නරුවයි ,අම්පාරයි කියන දිස්ත්‍රික්ක දෙකේ .. අපේ ගමනාන්ත වෙන්නේ දිබුලාගල , පාසිකුඩා,මින්නේරිය අභය භුමිය කියන ස්ථාන .. 

                                                                  වියලි කලාපිය පරිසර,කරදිය පරිසර පද්ධති කියන පද්ධති වල දැනුම මදි නොකියන්න ඉගනගන්න පුළුවන් ප්‍රදේශයක් තමා මම මේ සංචාරය කරලා තියෙන්නේ . ඒ වගේම ඉතිහාසාත්මක වශයෙන් වැදගත්කමක් ගන්න දිබුලාගල ,පොලොන්නරුව  පිහිටලා තියෙන්නේත් මේ සිමාවේම තමා .. :v  :) ....

ඔන්න එහෙනම්  මේ ගමන ගිය යාලුවෝ ටික කියන්නම්කො .... a / l  කාලේ පංති වලින් සෙට් උණ යාලුවෝ ටික තමා මේ ගමන යන්න පිටත් උනේ ... අත්තෙයි , පෙත්තයි , ලිනයි , යකඩෙයි , චානා , දුලාජ් ,අක්ෂිතයි ,මමයි  2014.09.14 වෙනිදා හවස් වෙලා දෙහිඅත්තකණ්ඩිය බස් එකේ නැගලා ගමන පිටත්වුනා.අපිට නවාතැන් සැපෙයුවේ චානා මල්ලි ... (දවස් 2ක් විතර එහෙට වෙලා කාලා කාලාම ගෙදර මිනිස්සුන්ටත් අපිව එපා වෙන්ට ඇති ... :p :D කමක් නැ ඉතින් නේ ... :v )  ... ඒ කතාව ඇති දැන් අපි ගියපු ගමන් ටික කියන්නම්කො ....

පහුවදා ඔන්න උදේ සෙල්ලම් එහෙම කරලා ...දිබුලාගල නගින්න කට්ටියම එකතු උනා .. අත්තේ කියන්නේ උපතින්ම ජලජ ජීවියෙක් .. ඉතින් මනුස්සයට කන්දක් කිවුවම මාළු දැලක් දැම්මා වගේ .. කොහෙමෙන් කොහොම හරි ඔන්න හරි අමාරුවෙන් දිඹුලාගල නැග්ගා

....
 දැන් ඔයාලට මම දිඹුලාගල කියන්නේ කොච්චර පුජනිය ස්ථානයක්ද  කියලා  කියන්නම් ... දුමරක්ඛ පබ්බත ... දුම්රක්ගල එහෙමත්  නැත්තන් දිඹුලාගල ආරණ්‍යය සේනාසනයේ ඉතිහාසය ක්‍රිස්තුපුරව 3 වෙනි  සියවසට විහිදෙනවා.. රහතන් වහන්සේලාගේ පා පහස ලැබූ පින්බිමක් හැටියට හදුන්වන්න පුළුවන් ..භාවනානුයෝගී ස්වාමින්වහන්සේලාගේ පුදබිමක් හැටියට අදටත් පවතින පුදබිමක් කියලා කිවොත් තවත්  නිවැරදි ... 

මම අහලා දැනගත්ත විදියට පොලොන්නරුව එක්සේසත් කරපු "විජයබාහු"  රජතුමාගෙන් පස්සේ රජවුණ " මහා පරාක්‍රමභාහු " රජතුමා (ක්‍රි.ව .1150 දි ) කාශ්‍යප කියන දිඹුලාගල ආරණ්‍ය වාසි භික්ෂුන් වහන්සේගේ නායකත්වයෙන් ධර්ම විනය සංගායනාවක් පවත්වලා විනාශ වෙලා ගිය සිරිලක බුදු දහම නැවත නගාසිටවනවා ... ඒ අවස්ථාවේ මුල් තැන ගන්නෙත් මේ දිඹුලාගල සේනාසනය .. :)

ඉතින් ඔන්න ඔහොම  දිඹුලාගල නැගලා  බහිනකොට හරිම හාස්කමක් තියන ස්ථානයක් ගැන මට චානා කිවුවා ... ඒ තමයි "ඖෂධ පොකුණ " 
දිඹුලාගල කන්දට එහාපැත්තෙන් තියන කන්දේ මැද පොඩි ගුහාවක තමා මේ කියන පොකුණ පිහිටලා තියෙන්නේ ..කේ කියන  පොකුණෙන් අදටත් ගැබිණි මවුවරුන්ට බොන්න දෙන්න වතුර අරගෙන යනවා..මොකද ,මේ වතුරේ එච්චරකට බලවත්  ඖෂධිය ගුණයක් තියනවා .. ඉතින්  බහිද්දී හවස් උනත්  ඒ මහන්සිය  පිටම 3km විතර දුරක් ගෙවලා අපි  ලගාවුනා ඖෂධ පොකුණට ... එතනට  මුළු දිඹුලාගලම  සුන්දරත්වය  මදි  නොකියන්න බලාගන්න පුළුවන්. 

ඉතින් එහෙම දිබුලාගල සුන්දරත්වය බලලා වැවෙන් නාලා පහුවදා අපි අපේ අනික් ගමන පටන්ගත්තා .. ඒ තමා පොළොන්නරුවේ පරාක්‍රම සමුද්‍රේට වතුර ගෙනියන අංගමැඩිල්ල අමුණයි මින්නේරි කවුඩුලු අභයභුමියටයි යන එක  ..

මින්නේරිය 1983 දී තමා අභයභූමියක්  හැටියට නම් කරේ . පොලොන්නරුව ,ත්‍රිකුණාමලය ,මාතලේ දිස්ත්‍රික්ක වලට මායිම් වෙලා තියන මේ අභයභුමිය වන අලින්ගේ රජ දහනක්.. නොදන්න යට දැනගන්න මේකත් කියන්නම්.. මහාවිහාරය විනාශ කරපු මහසෙන් රජතුමා පස්සේ කාලෙක ථෙරවාදී බුදුදහම වැළදගෙන ජේතවනාරාමය වගේ ලොකු වෙහෙර විහාර කරවලා ,මින්නේරිය  කවුඩුලු වගේ විශාල වැවු 17ක් කරවලා රට ස්වාන්පොෂිත කරවපු රජ කෙනෙක් ... ඉතින් ඔන්න ඔහොමයි ගමන සිද්ද උනේ .. දැන් මම යන පාරවල්

කියන්නම්කො..

වෙනදා වගේම මගේ ගමනාරම්භය මහනුවර නගරය .. මුළු ගමනටම අපි 420km වයකරා ..

1.මහනුවර ඉදන් දිඹුලාගල පන්සලට 171km තියනවා පැය 6ක විතර ගමනක් ,..

2.එතන ඉදන් පාසිකුඩා වලට 37 km තියෙන්නේ..
3.දිඹුලාගල ඉදන් 33km තියනවා මින්නේරියට..

ඔයාලත් නොවරදවාම යන්න මේ අසිරිය බලාගන්න ,හැබැයි මම අනික් post වල කියනවා වගේ පොලිතින් වගේ අපද්‍රව්‍ය ගෙනිහින් දාල එන්න එපා. පරිසරය රැක්කොත් අපිත් රැකෙයි ....

 #...රසවිඳින්න ... ඇවිදින්න ..... ජිවිතේ විඳින්න..... #

ඔබට සුබගමන් !!!!

රාගල කන්ද (Ragala Rock)

# ආදරවන්තයන්ගේ දිනයේ .. නකල්ස් කුමරිය සොයා ගිය ගමන #

                                                      ඔන්න එහෙනම් ළමයිනේ  මම අද කියන්න යන්නේ අත මිට මොලවපුවම වගේ හැඩයක් තියන කන්දක් .... නෑ නෑ .. කදු පන්තියක් ගැන ...:v :D  

නකල්ස් කදු පන්තිය 

                                            මේ ගමන ඉතින් එක පාරක් ගියොත් ආයේ නොයා ඉන්න බැරි තැනට පත්වෙනවා ඔන්න... බොරුනම් ගිහින්ම බලන්නකෝ... :v .. එහෙනම් අහගන්නකෝ මේ ගමන තමා නකල්ස් කදු  පන්තියට යන ගමන .ඒ කියන්නේ මුහුදු මට්ටමේ ඉදන් 1200-2000m අතර උසක් . මේක කදු විශාල ප්‍රමාණයකින් යුතු පද්ධතියක්. නුවර ඉන්න කෙනෙක්ටනම්  එකදවසක ගමනක් වෙන්නත් පුළුවන් . 

ගෝමර හා බබරැල්ල පාර එකතු වුන තැන (සහභාගිවූ මිතුරන් sms ,මාලින් ,ඉසුරංග ,ලහිරු ,ශවී ,යසස් ,ලහිරු )

                                                           ඒ උනාට මේ ගමන දවස් 2,3,4 කරනත් පුළුවන් . හුගක් හොදවෙන්නේ දවස් 2කක් වගේ ගියොත් තමා . කෑම්ප් කරලා සේරම අත්දැකීම් විදගන්න පුළුවන්... ඒ වගේම ගොන්නු ,දිවියෝ අඩුවක් නැතුව බලාගන්න පුළුවන් . තව කාලයක් තියනවා  ඒ කාලෙට ගියොත් බය නැතුව අලිත් බලාගන්න පුළුවන්. ඒ වගේම දවස් 4කට වගේ යනවනම් එක්කෝ මීමුරේ එහෙමනැත්තන් දුවිලි ඇල්ල ,මානිගල හරහා රිවර්ස්ටන් යන්නත් පුළුවන් ...

නකල්ස්  පන්තියේ ඉදිරිපස 

                                               මම එහෙනම් කතාව පටන් ගන්නම්කො. මුලින්ම කියන්න ඕනේ නකල්ස් රක්ෂිතය කියන්නේ වියලි කලාපෙට තෙත් කලාපෙට වගේම තෙත් වියලි පරිසර පද්ධතියටත් හසුවෙන, අංග සම්පුර්ණ විවිධත්වයකින් යුක්ත පරිසරයක් ... හුන්නස්ගිරිය ,මානිගල,ගොම්බානිය , ලකේගල ,රිවර්ස්ටන් ,නකල්ස් , මීමුරේ , පතන, දිය ඇලි , වනෝද්‍යාන .. මේ කියන හැම දෙයක්ම පවතින්නේ මේ නකල්ස් රක්ෂිතය .. අපි මේ යන්න යන්නේ මුහුදු මට්ටමේ ඉදන් 1600m ඉහල ශිත කලාපෙට.( නකල්ස් රක්ෂිතය කිවුවම ඉතින් රාවණා රජතුමා අමතක කරන්නම බැරි පුගල්යෙක් වෙනවා කියන එකත් මතක තියාගන්නකෝ ...  )

වියලි කාලයේ දුකින් පෙලෙන හුළුගග ලලනාව 

                               එහෙම නැත්තන් තවත් පාරක් තියනවා. ඒ තමා ගොම්බානිය කන්ද හරහා නකල්ස් පන්තියට යනපාර. ඒක මම ගොම්බානිය ගිය ගමනේදී කියන්නම්කො. මේ කියන්න යන නකල්ස් රක්ෂිතයේ අද වෙනකන් කිසිදු මිනිස් වාසයක් නොලැබුන කලාප ඒමට තියනව ඒ තමා ,මිමුරේට යනකොට වෙඩිලුණු ගුහාව හරියේ තියන කදු පන්ති ටික... ඒ ගැන ලොකු විස්තරයක් ලකේගල කන්ද ගැන කියද්දී මම කියන්නම්කො.. දැනට මෙහෙම  කියන්නම් .

ජෛව විවිධත්වය

                                                                ( ලකේගල කන්ද කියන්නේ ස්වභාවධර්මයාගේ නිවැවුමක් පෘථිවියට විශ්ව ශක්තිය උරාගන්නා තියන , එහෙමත් නැතිනම් ශක්ති කේන්ද්‍රයක් . ශක්ති කේන්ද්‍ර ගැන කියද්දී ආයෙත් මතක් වෙන්නේ රාවණා  රජතුමාව .මොකද ලකේගල කියන ශක්ති කේන්ද්‍රය පදනම් කරගෙන ඉතාමත් දියුණු තාක්ෂණයක් පවතවාගෙන යන්න රාවණා  රජතුමා සමත් වෙනවා මේ ලක් රජදහනේ. මොකද ස්වභාවිකව විශ්ව ශක්තිය කියන එක උරාගත හැකි දැනට ලොව තියන එකම හැඩය තමා පිරමිඩ හැඩය . උදා :- පිරමිඩ ,වෙහෙර ).ඒ ගැන  විස්තර පස්සේ කියනම්කො ... :v :D...

කදු මුදුනේ සිංදු සාජ්ජය

                           හරි එහෙනම් ඔන්න මම දැන් කියන්න යන්නේ knuckles වලට යන්නේ කොහොමද කියලා . වෙනදා වගේම මගේ ගමනාරම්භය වෙන්නේ මහනුවර නගරය තමා ඉතින් .

තෙත් කලාපීය වෘක්ෂ ලතාවෝ 

• උදේ 6 වෙනකොටවත් මහනුවර ඔරලෝසුකනුව ලගට අවොත් ඉක්මනටම "වත්තෙගමට" යන්න පුළුවන් ඊළගට වත්තේගමින් නගින්න ඕනේ බඹරැල්ල බස් එකට ඔන්න එතකොට පන්විලින් හුන්නස්ගිරියත්  පහු කරගෙන ඔයාලා එනවා "බබරැල්ල" .. බබරැල්ල ඉදන් ඉතින් "හුළුගග" පාමුලින් නානවානම් නාලා ගමන පටාන් ගන්නයි   තියෙන්නේ.
  
• තව පාරක් තියනවා එක එන්නේ ගෝමරට , ගෝමර ඉදන් ඕනි නම් නගින්නත් පුළුවන් එකත් බබරැල්ල  කිට්ටුවම තියන තව පාරක් .
  

              මහනුවර ඉදන් ගෝමරට,බබරැල්ලට  50km විතර තියනවා ... බස් එකේ නම්  අපිට එතනට යන්න රුපියල් 150 කට කිට්ටු වියදමක්  ගියා .. අපි බබරැල්ල එනකොට උදේ 10 විතර උනා... ඉතින් එතන ඉදන් ගමන පයින් තමා කන්ද මුදුනට 7km විතර යන්න ඕනේ .. හැබැයි එක පාරක් ගියොත් ආයේ නොයා ඉන්නෙත් නෑ .. යනගමන් ඕන නම් හුළුගග ඇල්ලත් බලන්න පුළුවන් හුලුගගදී .(තව ගමනක් තියනවා "ගොම්බානිය(1906m)" මේ තමා නකල්ස් කදු පන්තියේ උසම කන්ද ,එකත් දවසක කියන්නම් එක යන්නේ හුළුගග ඇල්ල ලගින් බැහැලා ). තව ඉතින් කන්ද නගින්න පටන් ගන්නකොටත් පුංචි දිය ඇල්ලක් හම්බවෙනවා .. ඔන්න ඕනේ නම් එතනිනුත් නාගන්න  පුළුවන්. 

හුළුගග ඇල්ල

                                              තව ටිකෙන් අමතක වෙනවා  නකල්ස් නගින්න පටන් ගන්නකොට රුපියල් 30 ක් ටිකට් එකක් ගන්න වෙනවා ඒ වගේම එතන ඉන්න නිලධාරීතුමාව දැනුවත් කරන්න ඕනේ එදාම එනවද කියලා .
                        ටික දවසක් ඉන්න යනවනම් තාලිය වැටුන ඇල්ල, සාරි ඇල්ල, ජෝඩු ඇල්ල , hunnas falls එහෙමත් බලාගෙනම එන්න පුළුවන්. 

hunnas falls

             තව මතක තියාගන්න ඕන එක මග සලකුණක් තියනවා මේක මතක තියාගන්නම ඕනේ මොකද මෙතන අමතක උනොත් ඔයාලා බබරැල්ලෙන් බහින්න හිටියනම් බහින්න වෙන්නේ ගොමරින් එක ගැන සැලකිලිමත් වෙන්න ගමන යනකොට :v :D 

නකල්ස් මග පෙන්වන්නා " අපි කිවුවේ ජිමි "

                                                                ඔන්න එහෙනම් මම ඔක්කොම  විස්තරේ කිවුවා.. අමතක උන එකක් තිබ්බොත් අයෙත් දාන්නම් ...

සැ . යු :-( google image ද උපුටාගෙන ඇත,  හුදෙක් ගමන් මාර්ගය අවබෝධය පිණිස මෙසේ සටහන් කොට ඇත. google සිංහල font වෙනස් කරලා තියන හින්දා සමහර වචන නිවැරදි නෑ .. )

නාන ෆොටෝ දාන්න එපා කිවුවා ... :P 

ඔයාලත් නොවරදවාම යන්න මේ අසිරිය බලාගන්න ,හැබැයි මම අනික් post වල කියනවා වගේ පොලිතින් වගේ අපද්‍රව්‍ය ගෙනිහින් දාලා එන්න එපා. පරිසරය රැක්කොත් අපිත් රැකෙයි ....

 #...රසවිඳින්න ... ඇවිදින්න ..... ජිවිතේ විඳින්න..... #

ඔබට සුබගමන් !!!!

බතට කන්න බැරි " බතලේගල කන්ද " :v :D

 ඔන්න එහෙනම් යාලුවනේ අද මම ඔයාලට කියන්න යන්නේ හැඩරුවෙන් සීගිරියට සමානකමක් තියන කන්දක් ගැන .

ඈතින් අසුපිනි ඇල්ල ...

                             
                                                              මේ කන්ද පිහිටලා තියන්නේ ඌරා කන්ද කදු වැටියේ අවසානයේ අසුපිනි ඇල්ලට මුහුනලාගෙන සහ දෙවනගල කන්දට ආසන්නයෙන් .. අයත් වෙන දිස්ත්‍රික්කය වෙන්නේ කෑගල්ල . ආසන්නම ගම තමා දිප්පිටිය,දෙබත්ගම . ඈත අතීතයේ මේ කියන කන්ද මුදුනේ අරණ්‍ය වාසි භික්ෂුන් වහසේලා හිටියා කියලා මතයක් තියනවා.. ඒ වගේම පැරණි විහාරයක් පැවතුනා කියන්න සාක්ෂි අදටත් මේ කන්ද මුදුනේ තියනවා ....පුලුවන් නම් හිතලා බලන්න මොකක්ද මේ කියලා :D ... මමම කියන්නම්කො .... නමින් ,

                      බතට කන්න බැරි " බතලේගල කන්ද" .............

බතලේගල පිටුපස ... දෙවනගල ඉදිරිපස 

ඉංගිරිසියෙන් නම් " Bible Rock ". උසින් මීටර 239 ක් වෙනවා .. 

ගමන් විඩාවට විරාමයක් 

තවත් මතයක් තමා යාලුවනේ මේ කියන කන්ද වගේ කදු 5ක් ලංකාවේ හැදුවා කියන එක .. එක හදලා තියෙන්නේ රාවනා රජතුමා තමයි .හේතුව තමා සීතා කුමාරිව හැන්ගුවේ ආලකමන්දාවේ එහෙමත් නැත්තන් සීගිරියේ . ඉතින් මන් කලින් කිවුවා වගේ සිගිරිය ,බතලේගල එකවගේනේ, එහෙම කරලා තියෙන්නේ රාමාව මුලාකරන්න. (කොහොමද රාවණාගේ ආදරේ :v ;) )

ඔන්න ඉතින් කතන්දරෙත් මම කිවුවා.... 

කදු නගිනා අතරතුර සුන්දරත්වය දුටිමි 

ඔන්න ඉතින් වෙනදා වගේම වෙලාවට වැඩකරන අපේ සෙට්(සමනලයා,රාමේ ,ඉසුරංග,බටර් ,පානි,SMS ,මම ) එක 6ට නුවරට එනවා කියලා 6 වෙද්දී අවා කියන්ඩකෝ ... කවදාවත් නැතුව එකත් හරියටම උනා .. අපි ඉතින් කලින් සතියේ කලේ පැන්න අතාගෙන් පාරත් අහගෙන මාවනැල්ලට පිටත් උනා .. එහෙන් උදේ 7.30ට බස් එකට නැගගත්තා පැයකට අසන්න වෙලාවකින් අපි කන්ද නගින්න පටන් ගන්න තැනට ආවා...

කදු මුදුන 

( තව ඩින්ගෙන් අමතක වෙනවා... එදාම කැළණි කැම්පස් එකේ අක්කලා සෙට් එකක්ම ඇවිල්ල හිටියා කන්ද නගින්න.. අපේ උන්ට ආයේ මොනවද ඉතින්.. මන් හිතන්නේ එදා තමා සතුටින්ම කන්ද නැග්ගේ,.. :P සින්දුත් කිඋවනේ කන්ද මුදුනේදී කට්ටිය සෙට් වෙලා ... :v :P ) 

දැන් කතා ඇති යන්න ආසා තියෙන යට යන මම පාර කියන්නම්කො .. එක පාරයි .. හැබැයි පාමුල ඉදන් පාරවල් 2යි ..
එකක් පඩිපෙලක් ..බැවුම අංශක 60කට කිට්ටුයි

ඌරා කන්ද ලගින් .....වම් පස ඈතින් කබරගල 

අනික පන්සල ලගින් වතුරපාරක් ලගින් කැලේ මැදින් යන පාර .එකෙන් යන එක තමා ලේසි ..

1. වෙනදා වගේම ගමනාරම්භය මහනුවර.. මහනුව ගුඩ්ෂෙඩ් බස් නැවතුමෙන් මාවනැල්ල බස් එකක නැගලා මාවනැල්ලට ඇවිත් .. එතනින් දිප්පිටිය දෙබත්ගම බස් එකේ නැගලා බතලේගලට එන්න ඕනේ . ඇවිල්ල ඉතින් කන්ද නගින්නයි තියෙන්නේ 2.5 km .... :v හරි ලේසි...

සැ . යු :-( google image ද උපුටාගෙන ඇත,  හුදෙක් ගමන් මාර්ගය අවබෝධය පිණිස මෙසේ සටහන් කොට ඇත. )

ගමනට සහබාගි වූ මිතුරන් 

ඔයාලත් නොවරදවාම යන්න මේ අසිරිය බලාගන්න ,හැබැයි මම අනික් post වල කියනවා වගේ පොලිතින් වගේ අපද්‍රව්‍ය ගෙනිහින් දාල එන්න එපා. පරිසරය රැක්කොත් අපිත් රැකෙයි ....

 #...රසවිඳින්න ... ඇවිදින්න ..... ජිවිතේ විඳින්න..... #

ඔබට සුබගමන් !!!!